اشهر المشاغل في المملكه - منتدى تونتي فور , ثيمات, نغمات, برامج, صور, مقاطع بلوتوث

#1 30-6-2009, 01:18 AM

هذا الموضوع انا سويته طبعا انتم عارفين ان جت الاجازه
واكيد فيه مناسبات وعزايم وزواجات وحفلات وكل شي
واحنا يالبنات نحب الكشخه والزين
واقدم لكم هذي المشاغل اللي في الممكله اللي انا مجرتها وبعضها صديقاتي يتكلمون عنها ويمدحونها
تفضلو

---------- في الخبر ----------

مشغل النافع:
يشتهر بالقص والتسريحات ولكن اكثر شي يشتهرون فيه على مستوى المنطقه هو(الصبغاات) وطبعا عند (ناديه)

مشغل ساس:
يشتهر اكثر شي بالتسريحات عن (سوزي)<<<تطلعك وااااو
وعندهم المكياج كمان حلو عند (فيفيان)لبنانيه

مشغل لاميزون:
يشتهر طبعا بالقص جدا جدا رائع عند (بارعه)

مشغل روج:
مشغل لهنديه والمبنى رايح فيهااا
بس يشتهرون بالحف بالحلاو لانهم هم الي يسوونها عندهم وهم هنديات
ايضا مشهورين بحمام الزيت (زيوت من الهند) ويسوون مساج مع حمام الزيت
وتشقيرهم مرتب يطلعك كنك حافه

مشغل بروفايل:
ايضا الحلاو عندهم شغل مرتب مررره
والتشقير بعد جدا حلو ورسماتهم دقيقه

استوديو قمرين:
طبعا هذا مشهور بالتصوير على مستوى وكل العرايس يجيبونه

مشغل السنديان:
اكثر شي يشتهر فيه القص اما الباقي ماعرف

مشغل فاشن:
مكياجهم حلو ورايق ومره كيوت يعجب البنوتات

هيام:
هذي وحده لبنانيه اغلب العرايس يتصلحون عندها طبعا مالها مشغل تشتغل لحالها وتجي للقاعات وشغلها رائع وتطلع العروس مره حلوه وماتحسين مكياجها اووفر

مشغل العزيزيه:
اضن اسمه كذا هذا الي عند بنده العزيزيه عند تويز ار اص يمدحوون قصه وشفت بنات قاصين عنده صراحه مرره روعه قصها

مشغل هيفاء:
عندهم القص مررره حلو عند (اسيا)
والحف بالحلاو بعد ممتاز ونظييييف
وخالتي تحب تصبغ عندهم داايم يعني تمدح صبغهم بعد عند (اسيا)

مشغل النصف الاخر:
اكثر شي يشتهرون فيه الخياط يطلع الفستان وااااو

--------- في الدمام ---------

مشغل دار نجد:
مشهوووورين بمكياجهم رااايق لابعد حد ومررره حلو يعجبني

مشغل الاندلس:
عندهم حف الحواجب والتشقير ممتاز وبعد حف بالحلاو نظيف

مشغل شعاع:
عاد هذا الكل يعرفه واغلب العرايس يتصلحون عنده لانه مشهوووو بالمكياج والي تسوي المكياج صاحبة المشغل سعوديه (شعاع)

استوديو بنات:
تصويرهم جدا رائع وحركاتهم حلووووه مره ويصلح لتصوير الاطفال لان عندهم طولة بال عليهم ويسوون لهم حركات مره حلوه

--------- في الجبيل --------

مشغل ضوء القمر:
ورى المخازن الكبرى<<<<ناس مادحينه لي وعلى ضمانتهم خخخخ

وعاد هذا الي قدرت اجمعه من خبرتي بمشاغل الشرقيه وترى اغلبها على ضمانتي مجربتها...

لاني انا من سكان الرياض وماعندي خبره اكثر من كذا بصالونات الشرقيه

--------- في الرياض --------

مشغل المبدعات:
مشهور بالقص والتسريحات والافضل تسوونها عند (خديجه) <<<فناانه
هالمشغول بحي العليا

مشغل لبنى:
مشهور بالبدكير والمناكير والتشقير(منى)
والقص عند (هدى)<<يمدحون شغلها
بحي الروضه هالمشغل

مشغل ركن يارا:
مساجه مرررره زين ويسوون سونا بعد
والبدكير والمناكير مررره ممتاز عندهم
مكانه عند في شارع ناصر بن عبد العزيز عند مركز الناصر سابقا...عند كارفور ألي في طريق خريص

مشغل ملاك:
مشهور بخياطه الزين واسعاره مره زيييينه ويطلع الفستان كنه من فساتين العارضات

مشغل الميسان:
مشهور بقصه الرائع عند (نجوى) يقولون قصها مجنووون

مشغل مركز الملتقى:
مشهور بالميك اب والتسريحات(كلوديا,,زينه,,مدام تريزا)
وكذلك بالقص عند (نعيمه)

مشغل فاشن:
الي بعمائر السلكون يقولون حلو قصهم الي تحب تقص بوي

وهذا كل اللي اعرفهم
واللي عنده غير هذولا وجرب شغلهم لا تبخل علينا وتفيدنا

سلام

30-6-2009, 09:18 PM

ماقصرتي يالغاليه واكيد لي زياره لسعوديه

30-6-2009, 09:59 PM

مشكورهـ حبيبتي ..

وانا بعد سمعت عن لبنى وفاشن بس ما جربتهم ..

يعطيكـ الف عافيهـ ..

30-6-2009, 11:55 PM

اقتباس:

المشاركة الأصلية كتبت بواسطة آلحــ عيون ــب [عزيزي الزائر يتوجب عليك التسجيل للمشاهدة الرابطللتسجيل اضغط هنا]

ماقصرتي يالغاليه واكيد لي زياره لسعوديه

حياك يالغاليه بتنورين

30-6-2009, 11:56 PM

اقتباس:

المشاركة الأصلية كتبت بواسطة قمر الليالي [عزيزي الزائر يتوجب عليك التسجيل للمشاهدة الرابطللتسجيل اضغط هنا]

مشكورهـ حبيبتي ..

وانا بعد سمعت عن لبنى وفاشن بس ما جربتهم ..

يعطيكـ الف عافيهـ ..

العفو حبيبتي
انشالله تجربينهم
الله يعافييك

6-7-2009, 09:00 AM

موضوع جاء في وقته

وروووووعه والكل بيستفيد منه

يعطيك العافيه موضوع يستحق التثبيت

أنتظريني برجع بمشاغل المدينه

6-7-2009, 09:19 AM

اقتباس:

المشاركة الأصلية كتبت بواسطة حلا الكون [عزيزي الزائر يتوجب عليك التسجيل للمشاهدة الرابطللتسجيل اضغط هنا]

موضوع جاء في وقته

وروووووعه والكل بيستفيد منه

يعطيك العافيه موضوع يستحق التثبيت

أنتظريني برجع بمشاغل المدينه

الله يعافيك قلبو

تسلمين

اوكي ننتضرك

6-7-2009, 10:04 AM

يسلموو حبوبه

بس هذا للأهل السعودين أحنا بعيد

7-7-2009, 12:32 AM

اقتباس:

المشاركة الأصلية كتبت بواسطة المـــ "روح" ـــودة [عزيزي الزائر يتوجب عليك التسجيل للمشاهدة الرابطللتسجيل اضغط هنا]

يسلموو حبوبه

بس هذا للأهل السعودين أحنا بعيد

الله يسلمك حبيبتي

ممكن اي احد مو ساكن بالمدن هذي او بالسعوديه كلها

ممكن يجيب من صالونات بلادهم

عشان احنا بعد نستفيد

7-7-2009, 10:17 PM

روووووووعه جد ماقصرتي
والله فيه مشاغل توني اسمع عنها مع اني كثير اتردد ع المشاغل
ماقصرتي يالغلا

التميز خلال 24 ساعة
العضو الأكثر نشاطاً هذا اليوم	الموضوع النشط هذا اليوم	المشرف المميزلهذا اليوم	المشرفة المميزه
بنت الوفاء	صور ماسنجر - من يقدر يبرر داخله اشجان>.. بقلم : ^.^فرعونيه^.^شلة ابليس.	قريبا	^.^فرعونيه^.^شلة ابليس.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري